1978-1979

У 1978 году АББА былі суперпапулярныя. Яны перарабілі стары кінатэатр у гуказапісвальную студыю Polar Music у Стакгольме, дзе пазней запісваліся іншыя вельмі вядомыя групы. Напрыклад, Led Zeppelin(альбом In Through the Out Door) і Genesis.

Запісаны ў 1978 годзе сінгл Summer Night City стаў апошнім з дасягнулых першага месца ў швецкім хіт-парадзе. Ён выйшаў перад наступным дыскам-гігантам Voulez-Vous, які выйшаў у красавіку 1979 года. Дзве песні для гэтага альбома былі запісаныя на сямейнай студыі Criteria Studios у Маямі з дапамогай легендарнага гукарэжысёра Тома Дауда (Tom Dowd). Альбом займае першыя месцы ў Еўропе і Японіі, у першай дзясятцы ў Канадзе і Аўстраліі і ў першай дваццатцы з ЗША. Што цікава, ні адна з песень альбома не дасягнула першага месца ў чартах Англіі, але Chiquitita, Does Your Mother Know, Voulez-Vous і I Have A Dream усё не спускаліся ніжэй 4 месцы. У Канадзе I Have A Dream становіцца другой песняй № 1 у RPM Adult Contemporary чарце, першай песняй была Fernando.

У студзені 1979 група выканала песню Chiquitita на канцэрце «музыка для UNICEF» падчас асамблеі ААН. АББА ахвяравалі ўсе прыбыткі ад гэтага сусветнага хіта ў фонд UNICEF.

Gimme! Gimme! Gimme! (1979)

Пазней у гэтым жа годзе група выпусціла другі зборны альбом Greatest Hits Vol. 2, на якім быў новы трэк Gimme! Gimme! Gimme! (A Man After Midnight), іх самы вядомы дыска-хіт у Еўропе.

13 верасня 1979 года АББА пачалі свой першы і адзіны паўночнаамерыканскі тур у канадскім Эдмонтане з поўнай залай, якія змяшчаюць 14 000 чалавек. На працягу наступных чатырох тыдняў яны далі 17 канцэртаў, 13 у ЗША і 4 у Канадзе.

Апошні запланаваны канцэрт у ЗША у Вашынгтоне быў адменены па прычыне эмацыйнага зрыву Агнеты, які яна атрымала падчас пералёту з Нью-Ёрка ў Бостан, калі прыватны самалёт, у якім яна знаходзілася, патрапіў у экстрэмальныя пагодныя ўмовы і доўгі час не мог прызямліцца. Тур скончыўся шоў у Таронта ў Канадзе перад прыкладна 18 000 гледачоў. Гэты выступ выклікаў шмат скарг ад фанаў групы, якія казалі што АББА усё жа больш студыйная, чым жывая, шоў група.

19 кастрычніка тур працягнуўся ў Заходняй Еўропе, дзе музыкі далі 23 канцэрта, уключаючы шэсць вечароў у Лонданскай Wembley Arena.